كلامك أ ميلود بْكات عليه العين
لأنوا واقع الكثير مْن شباب المسلمين
تايشوفوا راسهوم ما قادين على فلسطين
مْخْليين الريح تاخذهم فين مشات فكل حين
و يقولوا فنفوسهوم وقتاش يظهر صلاح الدين
يْحرر الأرض ويْهْنينا مْن هذ الوضع المهين
كلامك أميلود كايقولوه بزاف د الناس
لكنو فالحقيقة ما عندو حتى أساس
صحيح الظروف صعيبة والقيود كثيرة
لكن بعون الله كل الأمور ترجع صغيرة
فلسطين كيف قلتي قضية إسلام
يعني غا نتحاسبو عليها ف يوم من الأيام
وأي إنسان ما يبغي يشوف لا ظلم لا سيبة
فشنو نقولوا لا كان على فلسطين الحْبيبة
أجي نديرو اليد ف اليد ونبداوا ف التغيير
نتعاونوا جميع وكلها وشنو يدير
وقطرة بقطرة يحمل الواد
وجهد على جهد نحركوا العْباد
حتى ترجع الأمة لدينها وقضيتها
وتلقى شبابها رافعين رايتها
يْحاربوا الصهاينة والمطبعين
ويْطهروا الأرض مْنْ كل المجرمين
أجي نكونوا أنا ونتا صلاح الدين
باش يجمعنا الله معا الرسول الأمين
فالفردوس مع النبيين والصديقين
والشهداء والصالحين. قول معايا: آمين
إعداد: أمين الجنان
للاطلاع على الجزء الأول من القصيدة: اضغط هنا
اشكركم 
عبارات قوية باسلوب سلس
وخاصه هالعبارة
و يقولوا فنفوسهوم وقتاش يظهر صلاح الدين
لافض فوك وسلمت يمناك